再見，我的包面！揭開肉毒桿菌瘦面の迷思－Beautyholic PR．俏公關

上星期日幫某大日本化妝品牌搞event，望住台上嘅model一路俾Rick Chin化住妝嘅時候，個心一直都有十萬個唔明白
大家都係香港女仔，點解人地五官咁標緻、瓜子口面，而我就真係要咁「大塊田」？
我過往嘅幾位前度都話過我知，我塊面真係又圓又方……
雖然鍾意我係鍾意我個人（應該係嘅）
但我都唔想俾自己前度男朋友咁樣記住我一世啩
而且佢地都話，就算我唔出聲，我平時望落去我個樣都會比較惡，唔夠溫柔喎

為咗方便自己，更加要方便我PR嘅工作
關於瘦面，我嘗試過無數咁多個方法：瘦面精華；瘦面mask；每早晚狂碌面頰兩側；甚至減肥，通通都唔work
直至近日幫手搞一個醫學美容座談會event，認識到其中一位皮膚科專家Dr.Leung，我當然唔放過呢個大好時機，同佢交換咗卡片，諗住同佢取一取經！

之後先知原來佢係呢間微整型中心CLINICX醫生，為客人擔起輪廓重塑嘅重任。一睇卡片，原來CLINICX喺尖沙咀，有好多微整形療程。當然我最感興趣嘅當然就係Dysport Botox 肉毒桿菌瘦面喇！
我即刻急不及待打卡片上嘅電話，咨詢打肉毒桿菌瘦面嘅事，並book埋時間，去CLINICX做個輪廓分析先～

關於肉毒桿菌，其實我之前都聽過唔少，亦有朋友介紹過我去打
但我去event嗰陣見過唔少artist朋友都有明顯「歪面」嘅情況出現，實在令我驚驚地…

上到去位於成日都去行街嘅加連威老道CLINICX，中心嘅staff已經非常有禮貌地招待我，等咗大約2分鐘後，就去見醫生喇！好緊張！
我一入到去，其實都先問咗好多問題，等我節錄一下落嚟：

Q1: 肉毒桿菌其實係咪真係毒素嘅一種？原理係咩？經常聽人講嘅Botox同Dysport又有咩分別？
A: 「肉毒桿菌素A型」其實唔係毒，而係一種天然、純化嘅蛋白質。簡單來講，『肉毒桿菌素A型』令漲大嘅肌肉放鬆，就好似包包面嘅咀嚼肌咁，慢慢縮細咗，變成v面喇。至於Botox同Dysport嘅分別，呢兩種都係「肉毒桿菌素A型」嘅品牌名稱，只不過Botox產自美國，Dysport就係產自英國。

Q2: 點解有d人會打到「歪面」？
A: 有機會係醫生施針嘅位置/力度/唔夠準確，以致肌肉神經放鬆程度不一，形成「歪面」情況。

Q3: 打幾多份量先係standard？
A: 其實醫生係會就住每個人嘅面型及五官比例，去決定應該打幾多份量，通常最基本會係每邊1ml。

Q4: 你點解make sure我會打到靚瘦面？
A: 呢個非常base on醫生嘅美感、經驗及手勢，若果醫生跟唔上國際潮流，毫無潮流觸覺，根本唔會知道咩係美感。現時最hit嘅當然係韓式美人，著重自然、線條、素顏美，令好多香港女生都羨慕不已。

Dr.Leung細心、注重細節、經驗豐富、風趣，聽從佢一輪專業講解及分析後，我完全放一萬個心，開始緊要嘅第一次瘦面療程！
當中細節我已經唔係太忘記，大概當時真係太緊張了
但重要嘅消毒程序、產品原廠開封、醫生施針時我都非常難忘
因為於每一個步驟上，姑娘同醫生都會清晰地向我講解清楚細節
注射Dysport時，醫生喺我咀嚼肌位置上，每邊畫上3點，以定施針位，打嘅時候感覺「冤冤地」，但唔可以稱得上係痛感

但Dysport瘦面過程十分之快，大概5-10分鐘即完成，之後我仲可以約朋友行街添！
醫生提醒我，兩個星期內唔可以作任何按摩、射頻療程；進食時都盡量避免咀嚼太硬嘅食物如堅果、牛扒等等；施針位置都唔可以化妝及使用化學成分嘅護膚，以免發炎

效果方面，三星期後其實從before & after都會好明顯睇得出
兩邊咀嚼肌真係細咗好多，但不失自然
線條都明顯smooth咗不少，皆因CLNICX瘦面療程已經將肌肉神經放鬆咗，形成縮小肥大咀嚼肌嘅效果